Улаанбурхан өвчин нь вирусын гаралтай, халдварлалт өндөртэй, цочимог өвчин.

Агаар дуслын замаар тархан халдварлана.

Эх уурхай нь: Халдвар авсан хүн

Хэн өвдөх вэ?

Улаанбурханы эсрэг вакцин хийлгээгүй, улаанбурхан өвчнөөр урьд нь өвдөөгүй хүмүүс өвдөх эрсдэлтэй

Илрэх шинж тэмдэг:

Урьтал үед:

• Халуурах

• Нүдны салст үрэвсэх

• Хамраас нус гоожих

• Ханиалгах

• Амны салстад улаан хүрээтэй цагаан толбо үүсэх

Ид үе: дээрхи шинж тэмдэг дээр нэмэгдээд

• Нүүрнээс эхлэн толбот-гүвдрүүт тууралт гарч эхлэх бөгөөд доошилсоор бүх биеэр тууралт гарна.

• Халдвартай байх үе:

• • Тууралт гарахаас өмнөх 4 хоног, тууралт гарснаас хойш 4 хоног

Хэрхэн сэргийлэх вэ?

• Улаанбурхан өвчнөөс сэргийлэх хамгийн найдвартай сайн арга нь улаанбурханы вакцинд хугацаанд нь бүрэн хамрагдах юм. /9 сартайд, 2 настайд нь 2 удаа тарина/

• Иймд хугацаанд нь улаанбурхан, гахай хавдар, улаануудын эсрэг вакциныг тариулаагүй хоцорсон бол харьяа өрх, дүүрэгтээ хандаж нөхөн дархлаажуулалтанд хамрагдаарай.

• Эдгээр шинж тэмдгүүд илэрвэл яаралтай сум, өрхийн эмнэлэгтээ хандана уу.