Зөвлөгөөнийг аймгийн Засаг дарга Е.Зангар нээж үг хэлж, эрүүл мэндийн салбарт анхаарал хандуулж, хүн амын эрүүл мэндийн тусламж, үйлчилгээний чанар, хүртээмжийг сайжруулахын төлөө хамтран ажиллахаа илэрхийлж зөвлөгөөнд оролцогчдод ажлын амжилт хүслээ.
Зөвлөгөөнд сумдын Засаг дарга, ИТХ-ын дарга нар, аймгийн Засаг даргын Тамгын газрын Нийгмийн бодлогын хэлтэс, Эрүүл мэндийн газар, Эрүүл мэндийн даатгалын хэлтэс, Нэгдсэн эмнэлэг, Зооноз өвчин судлалын төвийн удирдлагууд, Нурлы, Жаншарапат, Нур-Алтай, Фатиха, Бейсшипа зэрэг хувийн эмнэлгүүдийн төлөөлөл, анхан шатны эрүүл мэндийн төвүүдийн дарга нар, шүдний эмнэлгүүдийн төлөөлөл, эм ханган нийлүүлэх байгууллагуудын эрхлэгч нар оролцов.
Зөвлөгөөний хүрээнд салбарын өнөөгийн байдал, тулгамдсан асуудлууд, бодлогын хэрэгжилт, анхан болон хоёрдогч шатлалын эрүүл мэндийн тусламж үйлчилгээний чанар, хүртээмжийг сайжруулах талаар хэлэлцэж, байгууллагууд туршлага солилцлоо. Оролцогчид эрүүл мэндийн тусламж үйлчилгээний чанар, хүртээмжийг нэмэгдүүлэх, эм ханган нийлүүлэлтийн тогтвортой байдлыг хангах, технологийн шинэчлэл хийх, боловсон хүчнийг чадавхжуулах зэрэг асуудлуудын талаар илтгэл тавьж, санал солилцсон өргөн хүрээтэй арга хэмжээ болж өндөрлөв.
.png)
.png)
