ХӨСҮТ-ийн Ерөнхий захирал Э.Анхбаяраар ахлуулсан мэргэжлийн баг Баян-Өлгий аймагт ажиллаж байна.
Баян-Өлгий аймгийн ЭМГазар, Нэгдсэн эмнэлгийн удирдлагууд, өрхийн эрүүл мэндийн төвийн дарга эмч нар, вакцинаторуудад улсын хэмжээний улаанбурханы нөхцөл байдлын танилцуулга хийж, орон нутагт хийгдэж байгаа эмч эмнэлгийн ажилчдын вакцинжуулах болон вакцинжуулалтаас хоцорсон хүүхдийн судалгааг гаргасан байна. Эмнэлгийн ажилчид вакцинд хамрагдаагүйг судалгаа гарган эрчимжүүлэх чиглэл өглөө.
Цаашид вакцинд хамрагдаагүй хүүхдүүдийг нөхөн вакцинд хамруулах ажлыг эрчимжүүлэх, халдварт өвчний хамшинжийн тандалтыг эрчимжүүлэх, сэжигтэй тохиолдол бүртгэгдсэн тохиолдолд сорьц тээвэрлэх вирусийн орчны нөөцийн хангалтыг нэмэгдүүлэх зэрэг зөвлөмжүүдийг өглөө.
Эмч эмнэлгийн ажилчдыг мэргэжил арга зүйн хувьд чадавхжуулах арга хэмжээг авч ажиллахад ХӨСҮТ-ээс дэмжлэг үзүүлэн хамтран ажиллах боломжтойг ярилцан, ажлын байрны сургалт зохион байгуулж хамтран ажиллахаар боллоо.
ХӨСҮТ-ийн Ерөнхий захирлаар ахлуулсан баг болон тандалтын мэргэжлийн баг маргааш Ховд аймагт ажиллах төлөвлөгөөтэй байна.
.png)
.png)
