Эрүүл мэндийн газрын даргын албан үүргийг түр орлон гүйцэтгэгч Х.Дауыржан НҮБ-ын Хүн амын сангийн Нөхөн үржихүйн эрүүл мэндийн хөтөлбөрийн мэргэжилтэн Б.Цэдмаа, Өсвөр үе, залуучууд хариуцсан хөтөлбөрийн мэргэжилтэн Х.Баттуяа, Хөтөлбөрийн санхүү, захиргааны ажилтан Б.Оюундарь, Техник, хангамжийн ажилтан Б.Жаргалсайхан нарыг хүлээн авч уулзлаа.
Уулзалтаар НҮБ-ын Хүн амын сангийн эх нярайн төслийн багийн эх, нярайн эрүүл мэндийг хамгаалах төслийн хэрэгжилт болон хүний папиллома вирусын (ХПВ) вакцинжуулалтын явц, тулгамдаж буй асуудлуудын талаар мэдээлэл солилцлоо.
НҮБ-ын Хүн амын сангийн төлөөлөгчид томилолтын хугацаанд орон нутагт ажиллаж, дараах чиглэлээр үйл ажиллагаа явуулах юм.
• ХПВ вакцинжуулалтын хамрагдалтыг нэмэгдүүлэхэд тулгарч буй асуудлыг тодорхойлох.
• Эрүүл мэнд, боловсролын салбарын албан хаагчдад ХПВ вакцины талаарх сургалт, зөвлөгөө өгөх.
• Мэдээлэл, сурталчилгааны бодлого боловсруулах • Люксембургийн төслийн хүрээнд "Сэргийлэх боломжтой эхийн болон перинатал эндэгдлийг бууруулах" төслийн хэрэгжилттэй танилцах.
• Төсөлд сонгогдсон Ногооннуур, Булган сумдад болон аймгийн Нэгдсэн эмнэлэгт жирэмслэлтээс хамгаалах сургалтын хэрэгсэл хүлээлгэн өгөх юм.
ХҮНИЙ ПАПИЛЛОМА ВИРУСЫН (ХПВ) ВАКЦИН ХОРТ ХАВДРААС СЭРГИЙЛНЭ
Хүний папиллома вирус (ХПВ) нь бэлгийн замаар дамждаг хамгийн өргөн тархсан халдвар бөгөөд дэлхийн хүн амын 80 орчим хувь нь амьдралынхаа туршид энэ вирусийн халдварыг авч байсан гэсэн судалгаа бий. Умайн хүзүүний хорт хавдрын гол шалтгаан болдог уг халдвартай тэмцэхийн тулд Монгол Улс 2024 оноос ХПВ-ийн эсрэг вакциныг үндэсний товлолт дархлаажуулалтад нэвтрүүлж, 11 настай эрэгтэй,эмэгтэй хүүхдүүдийг дархлаажуулж эхэлсэн. ХПВ вирус нь умайн хүзүү, шулуун гэдэс, залгиур, бэлгийн замын хавдар зэрэг зургаан төрлийн хорт хавдрын шалтгаан болдог тул тухайн вакциныг анх гарган авснаас хойш 17 жилийн хугацаанд туршигдан баталгаажиж, хавдраас 90% хамгаалж байгааг мэргэжилтнүүд онцолж байна.
.png)
.png)
