АНХАН ШАТНЫ ЭРҮҮЛ МЭНДИЙН БАЙГУУЛЛАГУУДЫН ДУНД “ЦЭНХЭР КОД ИДЭВХЖҮҮЛЭХ ” СЭДЭВТ АМИЛУУЛАХ СУУРЬ ТУСЛАМЖИЙН УР ЧАДВАРЫН АНХДУГААР ТЭМЦЭЭН ЗОХИОН БАЙГУУЛЛАА.

Эрүүл мэндийн сайдын 2025 оны 03-р сарын 20-ны өдрийн А/85 дугаар тушаалын ,хүрээнд Дэлхийн эмч нарын өдөр, олон улсын эх баригч, сувилагчийн өдрийг тэмдэглэн өнгөрүүлэх, амилуулах тусламж үйлчилгээг эмнэлзүйн багаар стандарт, удирдамжийн дагуу түргэн шуурхай үзүүлэх, амь тэнссэн яаралтай үе (code blue)-д багаар ажиллах чадвар, хандлагыг төлөвшүүлж дадлагажуулах зорилгоор 2025 оны 03 сарын 27-ны өдөр “Цэнхэр код идэвхжүүлэх ” сэдэвт амилуулах суурь тусламжийн онол, практик хосолсон ур чадварын анхдугаар тэмцээнийг Эрүүл мэндийн газар, Аймгийн нэгдсэн эмнэлгийн эрчимт эмчилгээний болон яаралтай тусламжийн тасгуудтай хамтран зохион байгууллаа.

Тэмцээн багууд танилцуулга хийх,оролцогчдын мэдлэг хандлагыг үнэлэх сорил, эмнэлгийн тусламж үйлчилгээ үзүүлэх үеийн халдвар хамгааллын дэглэм, ёс зүйн хэм хэмжээг мөрдөх тохиолдол дээр суурилсан асуулт хариулт, DR-ABCD зарчмаар гардан үйлдэл хийж гүйцэтгэх 3 үе шаттай явагдсан.

Тэмцээнд:

• Булган сумын эрүүл мэндийн төвийн Булган баг I байр

• Бугат сумын эрүүл мэндийн төвийн Аврагч баг II байр

• Жансая өрхийн эрүүл мэндийн төвийн Фентанил баг III байр

• Цэнгэл сумын эрүүл мэндийн төвийн Шонхор баг,

• Баяннуур сумын эрүүл мэндийн төвийн Emergency багууд тусгай байрыг тус тус эзлэв.

ЦААШИД

Бүх шатны эрүүл мэндийн байгууллагуудын дунд “BLUE CODE” ур чадварын тэмцээнийг зохион байгуулахаар төлөвлөж байна.