“ЧАДАМЖТАЙ БАГ-ЧАНАРТАЙ ТУСЛАМЖ, ҮЙЛЧИЛГЭЭ” сэдэвт ажил мэргэжлийн уралдаан зохион байгуулагдав

Олон Улсын сувилагчдын өдөр, Олон Улсын эх баригчдын эрхийг хамгаалах өдрийг тохиолдуулан өрх, сум, тосгоны эрүүл мэндийн төвүүдийн эх баригч, сувилагч, үйлчлэгчдийн дунд “ЧАДАМЖТАЙ БАГ-ЧАНАРТАЙ ТУСЛАМЖ, ҮЙЛЧИЛГЭЭ” сэдэвт ажил мэргэжлийн уралдаан зохион байгуулан нийт 15 баг 100 гаруй оролцогч хамрагдав. Тус уралдаан нь жирэмсэн эхийн хяналт, төрөх үеийн тусламж, үйлчилгээ, төрсний дараах эхийн болон нярайн хяналт, асаргаа сувилгаа, нярайн нэн шаардлагатай тусламжийг сайжруулах, харилцан туршлага солилцох талаар онолын мэдлэг, гардан ур чадвар, зөвлөгөө өгөх, анхан шатны маягтын хөтлөлтийг үе шаттайгаар зохион байгууллаа. 1 дүгээр байр. Ногооннуур сумын ЭМТөвийн “Зөөлөн гар” баг 2 дугаар байр. Толбо сумын ЭМТөвийн “Бяцхан зүрх” баг 3 дугаар байр. Баяннуур сумын ЭМТөвийн “Энэрэл” баг Тусгай байр. Улаанхус сумын ЭМТөвийн “Энэрэл” баг Тусгай байр. Алтанцөгц сумын ЭМТөвийн “Ачлал” багууд тус тус байр эзэлж, шагнан урамшуулав.